المشية مشية لحمام الخطوة خطوة الريام والسروال طيح الحزام والتريكو طول لكمام الضحكة تجيب لغمام والكلمة تطيح لعلام واش هاذي بنت بلادي ولا بنت الروم والعجم نهار وليل ذايعة فالزناقي قاقي قاقي يادجاجتنا قاقي فنصاصات الليل جاية تترنح وتميل جامعة لحلاقي دموعي عليها تسيل سترك يا باقي واش هاذي بنت بلادي ولا بنت الروم والعجم؟ طانكة فالوذن وطانكة فالبوط البورطابل يرن والنيف يسوط واش هاذي بنت بلادي ولا بنت الروم والعجم؟ طالون الصباط مهماز وبنادم عليها غماز وهي تطرطق فالمساكي الوالد مسكين فالدار جالس على كرسي هزاز مايحكي مايحاكي حن ياربي حن ولاتخلينا نتمحن مع هاذ الهم الباكي واش هاذي بنت بلادي ولا بنت الروم والعجم؟